Wintjer inne zoeëmer


Oppe kalender inne kuuëke

stieët mét groeëte létters "zoeëmer".

Dae zoej vandaag beginne!

Ve wachte al zoeë lang

op e gouwe zunke.

Ich wil boete spuuële:

zelke sprînge en stok doon

en lekker zwumme.

't Raengeltj en 't wejtj mer.

't Liêktj wul september.

Vör 'n raengelbui-j

bin ich neet bang.

Ich bin toch neet van sokker !

"Kom 'ns gaw kieke,"

reuptj oeës mam,

"de locht springtj oeëpe!"

De raengel kletterj op 't daâk.

En dan obbeins...

höltj 't klatere op...

haarde knalle oppe panne.

Hongerte hagelstein  

as tennisbel zoeë groeët.

D'n hieëlen hoeëf és

zoeë wit as snieë.

Weem és noow inne wer ?

Oeëze kalender of 't waer ?   

juni, 2016